Darwaza jo khola to nazar aaye kharre woh..

Darwaza jo khola to nazar aaye kharre woh,
Hairat hai mujhe, aaj kidhar bhool parre woh,

Bhoola nahin dil, hijr ke lamhaar karray woh,
Raatein to barri theen hi, Magar din bhi barre woh,

Kyun jaan pe ban aayi hai bigrra hai agar woh,
Uss ki to yeh aadat ke hawaaon se larre woh,

Alfaaz they us ke ke bahaaron ke peyamaat,
Khushbuu si barasney lagi, yoon phool jharre woh,

Har shakhs mujhe tujhse juda karne ka hwa’haan,
Sun paaye agar aik to dass ja ke jarre woh,

Bachey ki tarah chaand ko choonay ki tammana,
Dil ko koi shay dede to kya kya na array woh,

Tufaan hai to kya gham, mujhe awaz to di jiye,
Kya bhool gaye aap mere kachay gharre woh..

Perveen Shakir…

Continue Reading

Woh to khushbu hai, Hawaon mein bikhar jaye ga

Woh to khushboo hai, hawaon main bikhar jaae ga
Maslaa to phool ka hai phool kidar jaae ga

Hum tou samjhe the ke ik zakhm hai bhar jaae ga
Kya khabar the keh rag e jaan main utar jaae ga

Woh hawaon ki tarhan khana e bajaan phirta hai
Ik jhonka hay jo aye ga, guzar jaae ga

Woh jab aye ga to phir uski rafaqat ke liye
Mousam e gul mere angan main theher jaae ga

Aakhrish woh bhi kahin rait pe bethe honge
Tera yeh pyar bhi daryaa hai utar jaae ga

Mujhko tehzeeb ke barzhak ka bana dia waris
Jurm yeh bhi mere ajdaad ke sar jaae ga…

Continue Reading

Sukh ke mausam ka dukh

Aaney wali ruton ke anchal mein
Koi saa’at saeed kya ho gi

Raat ke wakt rang kya pehnoon
Roshni ki kuleed kya hogi

Jabke baadal ki aut laazim ho
Janti hoon, ke deed kya hogi

Zard mausam ki khushk tehni se
Konplon ki umeed kya hogi

Chand ke koi pass bhi sunaney ko
Ab ke koi naweed kya hogi

Gul na hoga to jashne khushbu kya
Tum na ho ge tou eid kya hogi…

Continue Reading

Waqt ke sath anaasar bhi rahe sazish mein

Waqt ke sath anaasar bhi rahe sazish mein,
Jal gaye pairr kabhi dhoop kabhi barish mein,

Woh tou ik saada-o-kam shauq ka talib nikla,
Hum ne naahiq hi ganwaya usey aarayesh mein,

Zindagi ki koi mehroomi nahin yaad ayi,
Jab talak hu mthey tere qurb ki asaayesh mein,

Aik dunya ka qaseeda tha agarche mere naam,
Lutf aata tha kisi shakhs ki fehmayesh mein,

Us ki ankhen bhi meri tarah se girdi kahin aur,
Khawb ka qarz barh jata hai ik khawish mein……

Continue Reading

Kya kya na khawb hijar ke mausam

Kya kya na khawb hijar ke mausam mein kho gaye,
Hum jagte rahe they magar bakht so gaye,

Us ne peyaam bheje to raste mein reh gaye,
Hum ne jo khat likhe woh hawaa burd ho gaye,

Mein sheher e gul mein zakham ka chehra kisey dikhaon,
Shabnam badast log tou kantey chubho gaye,

Aanchal mein phool le ke kahan ja rahi hoon mein,
Jo aney waley log they, woh log to gaye,

Kya janiye ufq ke udhar kya talism hai,
Lautey nahin zameen pe ik baar jo gaye,

Jese badan se qos-e-qaza phootne lagi,
Barish ke haath phool ke sab zakhm dho gaye,

Ankhon mein dheere dheerey utar ke puraney gham,
Palkon main nanhe nanhe sitarey piro gaye,

Woh bachpney ki need tou ab khawb ho gayi,
Kya umar thi ke raat huyi aur so gaye,

Kya dukh they, kon jaan sake ga, nigar-e-shab,
Jo mere aur tere dupatey bhigo gaye..…

Continue Reading

Hawaa ke hote huye roshni tu kar jaye

Hawaa ke hote huye roshni tu kar jaye,
Meri tarah se koi zindagi tu kar jaye,

Tamaam umar tayeb mein hi basar hogi,
Teri taraf se nazar be-rukhi to kar jaye,

Chiragh-e-dil teh mehraab jaan na chore,
Hawaa ke sath koi dushmani to kar jaye,

Phir is ke baad jahan mein kahin panaah nahin,
Tere huzoor yeh jaan sarkashi tou kar jaye,

Woh dushmani ke bhi kaabil na mujh ko chore ga,
Us aadmi se yeh dil dosti tou ka jaye……

Continue Reading

Dard phir jaaga, Puraana zakham phir taza hua

Dard phir jaaga,purana zakhm phir taaza hua
fasl e gul kitnay qareeb aaii hai,andaza hua

Subha yuun nikli,sanwar kay jis terha koi dulhan
shabnam aawaiza hui,rang e shafaq ghaza hua

Haath meray bhool bethay dastaken dainay ka fun
band mujh par jab say us kay ghar ka darqaza hua

Rail ki seeti men kesay hijr ki tamheed thi
us ko rukhsat kar kay ghar loatay to andaza hua…

Continue Reading

Ajab Makaan Hai Ke Jis Mein Makeenn Nahee Aata

Ajab Makaan Hai Ke Jis Mein Makeenn Nahee Aata
Hudood-e-Sheher Mein Kia Dil Kaheen Nahee Aata

Mein Jis Ke Ishq Mein Ghar Baar Chorr Baithi Thi
Yehi Wo Shaks Hai Mujhko Yaqeen Nahee Aata

Maza Hee Shair Sunaanay Ka Kuch Nahi Jub Tak
Qaseedah-Go Yun Mein Wo Nukta Cheen Nahee Aata

FIshaar Jaa.n Ke Bohat Hain Agar Nazar Aayein
Har Ik Zalzala Zair-e-Zameen Nahee Aaata

Bharam Hai Mehr-o- Maa-o-Najam Ka Bhi Bas Jab Tak
Muqaabil In Ke Wo Roshan Jabee.n Nahee Aata…

Continue Reading

Chaara Saazon Ki Azyat Nahi Dekhi Jaati

Chaara Saazon Ki Azyat Nahi Dekhi Jaati
Tere Bimaar Ki Haalat Nahi Dekhi Jaati

Dene Waalay Ki Mashiyyat Pe Hai Sab Kuch Mauqoof
Maangnay Waalay Ki Haajat Nahi Dekhi Jaati

Din Behel Jaata Hai Laikin Tere Dewaanon Ki
Shaam Hoti Hai Tou Wehshat Nahi Dekhi Jaati

Tamkanat Se Tujhay Rukhsat Tou Kia Hai Laikin
Ham Se In Aankhon Ki Hasrat Nahi Dekhi Jaati

Kon Utraa Hai Ye Aafaaq Ki Pehnaayi Mein ?
Aaina Khaanay Ki Hairat Nahi Dekhi Jaati…

Continue Reading