Kuch Fainsla To Ho Ki Kidhar Jana Chahiye

Kuch Fainsla To Ho Ki Kidhar Jana Chahiye;
Pani Ko Ab To Sar Se Guzar Jana Chahiye;

Har Baar Aidiyon Pe Gira Hai Mera Lahoo;
Maqtal Mein Ab B-Tarz-E-Digar Jana Chahiye;

Kya Chal Sakenge Jin Ka Faqat Masla Yeh Hai;
Jaane Se Pehle Rakht-E-Safar Jana Chahiye;

Sara Jvar-Bhata Mere Dil Mein Hai Magar;
Ilzam Ye Bhi Chaand Ke Sar Jana Chahiye;

Jab Bhi Gaye Azaab-E-Dar-O-Baam Tha Wahi;
Aakhir Ko Kitni Der Se Ghar Jana Chahiye;

Tohmat Laga Ke Maa Pe Jo Dushman Se Daad Le;
Aise Sukhanfarosh Ko Mar Jana Chaahiye!…

Continue Reading

Kuchh Faisala To Ho Ki Kidhar Jana Chahiye

Kuchh Faisala To Ho Ki Kidhar Jana Chahiye;
Paani Ko Ab To Sar Se Guzar Jana Chahiye;

Har Baar Aidiyon Pe Gira Hai Mera Lahoo;
Maqtal Mein Ab Ba-Tarz-e-Digar Jana Chahiye;

Kya Chal Sakenge Jin Ka Faqat Masla Ye Hai;
Jaane Se Pehle Rakht-e-Safar Jana Chahiye;

Sara Jvaar-Bhata Mere Dil Mein Hai Magar;
Ilzaam Ye Bhi Chaand Ke Sar Jana Chahiye;

Jab Bhi Gaye Azaab-e-Dar-o-Baam Tha Wahi;
Aakhir Ko Kitni Der Se Ghar Jana Chahiye;

Tohmat Laga Ke Maa Pe Jo Dushman Se Daad Le;
Aise Sukhanafarosh Ko Mar Jan Chahiye!…

Continue Reading

Waqt Ke Sath Anaasar Bhi…

Waqt Ke Sath Anaasar Bhi Rahe Sazish Mein;
Jal Gaye Pair Kabhi Dhoop Kabhi Barish Mein;

Woh To Ik Saada-o-Kam Shauq Ka Talib Nikla;
Hum Ne Naahiq Hi Ganwaya Use Aarayesh Mein;

Zindagi Ki Koi Mehrumi Nahi Yaad Aayi;
Jab Talak Hu Mathe Tere Qurb Ki Asaayesh Mein;

Ek Duniya Ka Qaseeda Tha Agarche Mere Naam;
Lutf Aata Tha Kisi Shakhs Kee Fehmayesh Mein;

Us Kee Aankhen Bhi Meri Tarah Se Girdi Kahi Aur;
Khwab Ka Karz Barh Jata Hai Ik Khwahish Mein!…

Continue Reading

Wo Aks-e-Mauja-e-Gul Tha

Wo Aks-e-Mauja-e-Gul Tha, Chaman Chaman Mein Raha
Wo Rang Rang Mein Utraa, Kiran Kiran Mein Raha

Wo Naam Haasil-e-Fun Ho Ke Mere Fun Mein Raha
Ke Rooh Ban Ke Meri Soch Ke Badan Mein Raha

Sakoon-e-Dil Ke Lye Mein Kahan Kahan Na Gayi
Magar Ye Dil, Ke Sadaa Oski Anjuman Mein Raha

Wo Sheher Waalon Ke Aagay Kaheen Mohazzib Tha
Wo Ek Shakhs Jo Sheheron Se Door Ban Mein Raha

Charaagh Bujhtay Rahay Aur Khwaab Jaltay Rahay
Ajeeb Tarz Ka Mausam Mere Watan Mein Raha…

Continue Reading

Isi Main Khush Hun Mera Dukh Koi To Sahta Hai

Isi Main Khush Hun Mera Dukh Koi To Sahta Hai
Chali Chalun Ki Jahan Tak Ye Sath Rahta Hai

Zamin-E-Dil Yun Hi Shadab To Nahin Ai Dost
Qarib Main Koi Dariya Zarur Bahta Hai

Na Jane Kaun Sa Fiqra Kahan Raqm Ho Jaye
Dilon Ka Hal Bhi Ab Kaun Kis Se Kahta Hai

Mere Badan Ko Nami Kha Gai Ashkon Ki
Bhari Bahar Main Jaise Makan Dahta Hai…

Continue Reading

Marney Se Bhi Pehle Mar Gaye They

Marney Se Bhi Pehle Mar Gaye They
Jeeney Se Kuch Aese Dar Gaye They

Rastey Mein Jahan Talak Diye They
Saarey Mere Hamsafar Gaye They

Aankhain Abhi Khul Nahin Saki Thi’n
Aur Khawb Mere Bikhar Gaye They

Jab Tak Na Khila Tha Us Ka Waada
Mausam Mere Be’samar Gaye They

Ab Tak Wohhi Nasha E Paziraayi
Kya Jaaniye Hum Kidhar Gaye They…

Continue Reading

Ab Bhala Chhor Ke Ghar Kya Karte

Ab Bhala Chhor Ke Ghar Kya Karte
Shaam Ke Vaqt Safar Kya Karte

Terii Masrufiytain Jaante The
Apne Aane Kii Khabar Kyaa Karte

Jab Sitare Hi Nahi Mil Paye
Le Ke Ham Shams O Qamar Kya Karte

Wo Musafir Hi Khuli Dhuup Ka Tha
Saaye Phaila Ke Shajar Kya Karte

Khaak Hi Avl O Aakhir Thahri
Kar Ke Zarre Ko Gauhar Kyaa Karte

Raaye Pehle Se Hii Banaa Lii Tune
Dil Men Ab Ham Tere Ghar Kyaa Karte

Ishq Ne Saare Saliqay Bakhshe
Husn Se Ksb E Hunar Kya Karte…

Continue Reading